Xaricdə təhsil alan tələbələrin sayına görə ölkələr
Aşağıdakı rəqəmlər 2021-ci ildə ölkə xaricində təhsil almış tələbələrin təxmini sayıdır
Dünyanın ən çox əhalisi olan iki ölkəsi Çin və Hindistanda xaricdə təhsil alan tələbələrin sayı ən yüksəkdir. UNESCO-nun dərc etdiyi məlumatlara görə, 2021-ci ildə bir milyondan çox çinli tələbə xaricdə təhsil alırdı. Hindistanın ümumi sayı bunun yarısına yaxın idi, təxminən 508,000 tələbə başqa ölkələrdə yaşayır. Birləşmiş Ştatlar 2021-ci ildə 833,000-dən çox tələbə ilə xaricdə təhsil alan tələbələrin ən çox müraciət etdiyi ölkə olub. Növbəti pillələrdə isə Böyük Britaniya (təxminən 601,000), Avstraliya (təxminən 378,000), Almaniya (376,000-dən çox) və Kanada (təxminən 318,000) yer almaqdadır. Bu məlumat Beynəlxalq Miqrasiya Təşkilatının (IMO) çərşənbə axşamı dərc etdiyi ən son məlumatlardan istifadə etməklə qlobal miqrasiyanın vəziyyətinin icmalını təqdim edən 2024-cü il Dünya Miqrasiya Hesabatının bir hissəsi kimi dərc edilib. Hesabata görə, son iki onillikdə beynəlxalq tələbələrin ümumi sayı artmaqdadır. UNESCO-nun məlumatları göstərir ki, 2001-ci ildə 2,2 milyon tələbə xaricdə təhsil alırdısa, 2021-ci ildə bu rəqəm 6,39 milyon tələbəyə yüksəlib.
